Iran men Eýropalyq Odaqtyń úsh eli sanktsııalardy joıý týraly kelissóz bastady

<p>ASTANA. KAZINFORM - Jenevada Iran men Eýropalyq Odaqtyń úsh eli (Ulybrıtanııa, Germanııa jáne Frantsııa) arasyndaǵy kelissózderdiń jańa kezeńi bastaldy. Bul týraly <a href="https://www.inform.kz/ru/iran-i-tri-strani-evrotroyki-nachali-peregovori-ob-otmene-sanktsiy-3700b1" target="_blank" rel="noopener">Kazinform</a> tilshisi Iran Syrtqy ister mınıstrligine silteme jasap habarlady.&nbsp;</p>

— Búgin Jenevada Iran men Eýropanyń úsh memleketi arasynda kelissózder júrip jatyr. Olar birqatar máseleni qamtıdy jáne kelissóz erteń de jalǵasady, - dedi aptalyq brıfıngide Iran Syrtqy ister mınıstrliginiń baspasóz hatshysy Esmaıl Bagaı. 

Ol sondaı-aq talqylaý eki salaǵa arnalǵanyn atap ótti. 

— Talqylaý kelisimge kelý úshin mańyzdy sanktsııalardy joıý jáne ıadrolyq salaǵa arnaldy. IRNA aqparat agenttigi Syrtqy ister mınıstriniń orynbasary Kazem Garıbabadıdiń sózine silteme jasap: «Kelissózderdi qaıta bastaý kerek jáne barlyq tarap kelisimge kelý úshin qolaıly atmosferany jasap, qoldaýy kerek» degen konsensýsqa qol jetkizilgenin habarlady, - dedi ol. 

Dıplomat kelissózder ashyq ári syndarly ótkenin jáne ári qaraı jalǵasatynyn atap ótti. Ótken qarasha aıynda Iran Syrtqy ister mınıstriniń orynbasarlary Madjıd Taht-Ravanchı men Kazem Garıbabadı Jenevada Ulybrıtanııa, Germanııa jáne Frantsııa ókilderimen kezdesip, Tegerannyń ıadrolyq baǵdarlamasyn talqylady. 

Buǵan deıin Iran Syrtqy ister mınıstri Abbas Aragchı Nıý-Iorktegi BUU Bas assambleıasynyń otyrystaryna qatysý kezinde Irannyń ıadrolyq kelisim boıynsha kelissózderdiń jańa kezeńin bastaýǵa daıyn ekenin málimdegen. 

Dıplomat keıinirek bul ustanymyn Qytaıdyń CCTV China telearnasyna bergen suhbatynda rastady.