Iran májilisi ShYU-ǵa kirýdegi mindettemelerine baılanysty zań jobasyn qabyldady
Zań jobasyn qabyldaýǵa 161 depýtat daýys berdi, 3-eýi qalys qaldy, 2 parlamentshi qarsy daýys berdi.
El vıtse-prezıdentiniń parlamenttik ister jónindegi orynbasary Alı Adıanı bul zań jobasy mınıstrler kabınetiniń otyrysynda Syrtqy ister mınıstrliginiń usynysy boıynsha maquldanǵanyn jáne zańdyq rásimderdi oryndaý úshin Parlamentke joldanǵanyn atap ótti.
«Irannyń ShYU-yna kirýi ekonomıkalyq, áleýmettik jáne halyqaralyq turǵydan qaraǵanda sanktsııalardy eńserý maqsatynda jáne Uıymǵa múshe eldermen ekonomıkalyq dıplomatııanyń kúsheıýine sáıkes erekshe mańyzǵa ıe», - dep qosty ol.
Esterińizge sala keteıik, 2022 jyldyń 15 qyrkúıegánde Iran SІM basshysy Hosseın Ámir Abdollahııan men uıymnyń Bas hatshysy Chjan Mın Samarqandta Shanhaı Yntymaqtastyq Uıymyna múshe memleket mártebesin alý maqsatynda Iran mindettemeleri týraly Memorandýmǵa qol qoıǵan bolatyn.
Ótken jyldyń 27 qarashasynda Iran Májilisi Irannyń Shanhaı yntymaqtastyq uıymyna (ShYU) kirýi týraly zań jobasyn qabyldady.
2005 jyly Iran ShYU-yna baqylaýshy el boldy. Eldiń uıymǵa tolyqqandy múshelikke ený protsesi 2021 jyly bastaldy.
Foto: ru.irna.ir