Iran kósemi túrmede otyrǵan 40 sheteldikke raqymshylyq jasady

<p>ASTANA. KAZINFORM &mdash; Irannyń rýhanı kósemi Aıatolla Álı Homeneı eldiń sot bıligi basshysynyń usynysy boıynsha 2 887 tutqynǵa raqymshylyq jasap, olardyń jazasyn qysqartýǵa kelisti, dep habarlaıdy <a href="https://ru.irna.ir/news/85602149/%D0%92%D0%B5%D1%80%D1%85%D0%BE%D0%B2%D0%BD%D1%8B%D0%B9-%D0%BB%D0%B8%D0%B4%D0%B5%D1%80-%D1%81%D0%BE%D0%B3%D0%BB%D0%B0%D1%81%D0%B8%D0%BB%D1%81%D1%8F-%D1%81-%D0%BF%D1%80%D0%B5%D0%B4%D0%BB%D0%BE%D0%B6%D0%B5%D0%BD%D0%B8%D0%B5%D0%BC-%D0%BE-%D0%BF%D0%BE%D0%BC%D0%B8%D0%BB%D0%BE%D0%B2%D0%B0%D0%BD%D0%B8%D0%B8-%D0%BE%D0%BA%D0%BE%D0%BB%D0%BEy%20IRNA.https://ru.irna.ir/news/85602149/%D0%92%D0%B5%D1%80%D1%85%D0%BE%D0%B2%D0%BD%D1%8B%D0%B9-%D0%BB%D0%B8%D0%B4%D0%B5%D1%80-%D1%81%D0%BE%D0%B3%D0%BB%D0%B0%D1%81%D0%B8%D0%BB%D1%81%D1%8F-%D1%81-%D0%BF%D1%80%D0%B5%D0%B4%D0%BB%D0%BE%D0%B6%D0%B5%D0%BD%D0%B8%D0%B5%D0%BC-%D0%BE-%D0%BF%D0%BE%D0%BC%D0%B8%D0%BB%D0%BE%D0%B2%D0%B0%D0%BD%D0%B8%D0%B8-%D0%BE%D0%BA%D0%BE%D0%BB%D0%BE" target="_blank" rel="noopener">IRNA.</a></p>

Sot júıesi basshysynyń orynbasary Sadyq Rahımıdiń aıtýynsha, keshirim jasalǵan jáne jeńildetilgen sottalǵandardyń 2745-i memlekettik jáne revolıýtsııalyq sottar, 11-i qarýly kúshterdiń sot júıesi jáne 131-i Irannyń jazalar basqarmasy tarapynan bas bostandyǵynan aıyrylǵan.

Sondaı-aq, ólim jazasyna kesilgen 59 adamnyń úkimi bas bostandyǵynan aıyrý jazasyna ózgertildi.

Raqymshylyqqa ilingenderdiń ishinde 140 áıel, 40 shetel azamaty, qaýipsizdik qylmysy úshin sottalǵan 39 jáne 18 jasqa tolmaǵan 6 azamat bar.

Iran konstıtýtsııasyna sáıkes, eldiń joǵarǵy basshysy sot úkimeti basshysynyń usynysy boıynsha tutqyndarǵa keshirim jasaý nemese jazasyn jeńildetý quziretine ıe.

Barlyq memlekettik máselelerde sońǵy sózdi aıtatyn Hameneı ádette belgili bir merekelerde tutqyndardy keshiredi.

Bul jolǵy raqymshylyq týraly sheshim 21 qyrkúıek — MáýlıdýnNábı kúnine oraı shyǵaryldy.