Iran Qazaqstanmen ekonomıkalyq baılanysyn nyǵaıtýǵa nıetti
«Qazaqstan Prezıdentine senim gramotasyn tapsyrý men úshin zor mártebe. Qazaqstan men Iran 30 jyl ishinde óte jaqsy qarym-qatynas ornatty. Al jetken jetistikti saqtap qalý jáne kóptegen saladaǵy, onyń ishinde ekonomıkadaǵy ekijaqty jetistigimizdi nyǵaıtý - bizdiń jaýapkershiligimiz. Eki eldiń ekonomıka salasynda áleýeti de, múmkinshiligi de bar. Óz múmkindigimdi paıdalanyp, ekonomıkalyq baılanysty nyǵaıtýǵa kúsh salamyn», - dedi Álı Akbar Djoýkar búgin Aqordada Memleket basshysy Qasym-Jomart Toqaevqa senim gramotasyn tapsyrǵannan keıin.
Esterińizge sala ketsek, Qazaqstan Prezıdentine senim gramotalaryn Malaızııa Elshisi Mohamad Adlı bın Abdýlla, Saýd Arabııasy Koroldiginiń elshisi Faısal ben Hanıf ál-Kahtanı, Túrkııa Respýblıkasynyń elshisi Mýstafa Kapýdjý jáne Iran Islam Respýblıkasynyń elshisi Álı Akbar Djoýkar tapsyrǵan edi.
Senim gramotasyn tapsyrǵannan keıin Malaızııa Elshisi Mohamad Adlı bın Abdýlla Qazaqstan Malaızııanyń Ortalyq Azııadaǵy eń iri saýda seriktesi sanalatynyn atap ótti.Al Túrkııa Respýblıkasynyń elshisi Mýstafa Kapýdjýdyń aıtýynsha, Qazaqstan – Túrkııa qarym-qatynasy strategııalyq seriktestik deńgeıine kóterildi.