Iran Qazaqstanǵa egis alqaptaryn sýarýdyń zamanaýı tehnologııalaryn usynýǵa daıyn

<p>ASTANA. KAZINFOR &ndash; Iran Qazaqstanǵa tamshylatyp sýarýdyń avtomatty qondyrǵylaryn usynýǵa daıyn. Bul týraly Sý resýrstary jáne ırrıgatsııa mınıstri Nurjan Nurjigitovtiń Irannyń Qazaqstandaǵy Tótenshe jáne Ókiletti Elshisi Álı Akbar Djoýkarmen kezdesýinen málim boldy.</p>

QR Sý resýstary jáne ırrıgatsııa mınıstrligi baspashóz qyzmetiniń habarlaýynsha, taraptar kezdesý barysynda egis alqaptaryn sýarý jáne sýarmaly sýdy tasymaldaý kezinde sý shyǵynyn azaıtý úshin tájirıbe jáne tehnologııalar almasý máselesin talqylady.Atap aıtqanda, ırandyq kompanııalar Qazaqstanǵa jerasty sýlaryn paıdalanatyn zamanaýı sýarý júıelerin, sondaı-aq sýdy ósimdikterdiń tamyryna tikeleı jetkizetin tamshylatyp sýarýdyń avtomatty qondyrǵylaryn usynýǵa daıyn. Osy tehnologııalardyń nátıjesinde Iran kúrish ósirýge jumsalatyn sý shyǵynyn edáýir azaıtyp, ónimdilikti arttyrǵan.

«Búginde biz sý qoımalary men basqa da sý sharýashylyǵy qurylystaryn salý jáne rekonstrýktsııalaý boıynsha aýqymdy jumysty bastadyq. Iran kompanııalarynyń osy baǵytta úlken tájirıbesi bar, tıimdi tehnologııalardy damytýda. Olardyń keıbiri elimizde jumys isteýde. Atap aıtqanda, Jambyl jáne Túrkistan oblystarynda ırrıgatsııalyq jelilerdi qaıta jańǵyrtý jumysy belsendi júrip jatyr. Sondyqtan ırandyq kásipkerlerdi sý ınfraqurylymyn salý men jóndeýge arnalǵan konkýrstarǵa qatysý úshin elimizge shaqyrǵym keledi», - dedi Sý resýrstary jáne ırrıgatsııa mınıstri Nurjan Nurjigitov.