Iran HAMAS-tyń shabýylyna qatysy joq ekenin málimdedi

<p>Iran Izraıl aýmaǵyna HAMAS áskeri jasaǵan shabýyldarǵa qatysy joq ekenin málim etti, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform agenttiginiń</a>&nbsp;menshikti tilshisi.</p>

«Biz Palestınaǵa qoldaý kórsetýdi tabandy túrde qýattaımyz. Biraq biz Palestınanyń jaýapty reaktsııasyna qatysyp jatqan joqpyz. Sebebi mundaı sheshimdi Palestına ózi qabyldaıdy. Palestına qabyldaǵan sheshýshi sharalar – jetpis jylǵa jalǵasqan zańsyz sıonızm rejımi jasaǵan basqynshylyq pen zulym qylmystardan tolyǵymen zańdy túrde qorǵanýdy bildiredi», –delingen BUU janyndaǵy Iran mıssııasynyń málimdemesinde.

Iran Syrtqy ister mııstrliginiń ókili óńirdegi jaǵdaıǵa baılanysty atalǵan el jedel túrde Islam yntymaqtastyǵy uıymynyń (IYU) otyrysyn shaqyratynyn málim etti.

Jergilikti BAQ habarlaýynsha, ońtústiktegi jáne ortalyqtaǵy qalalarda zymyrandar týraly jańa eskertýler jarııalandy. Soqqylar jóninde dabyl barlyq ońtústik óńirde jáne Tel-Avıvten ońtústikke qaraı ornalasqan qalalarda, onyń ishinde Holon men Rıshon-le-Tsıonda estilip jatyr.

Senbi kúni palestınalyq HAMAS toby Izraılge shabýyl jasap, el soǵys jaǵdaıyna kóshkennen keıin birqatar memleket azamattaryn Izraılden evakýatsııalaýdy uıymdastyrǵanyn eske sala keteıik.

Dúısenbi kúni tańerteń Izraıl áskeriniń resmı ókili barlyq eldi meken baqylaýǵa alynǵanyn jáne Izraıl aýmaǵynda áskerı is-qımyl júrgizilip jatqan joq dep málimdedi. Degenmen Izraıl aýmaǵynda áli de HAMAS áskeri bolýy múmkin ekeni aıtylady.

Búgin HAMAS Tel-Avıvtegi áýejaıǵa zymyran ushyrǵany belgili boldy. Sondaı-aq Izraıl qorǵanys mınıstri Ioav Gallant Gazanyń tolyq oqshaýlanǵanyn málim etti. Ol jaqta jaryq, tamaq jáne otyn joq.