Iran ǵalymdary Kaspıı teńizinde sý deńgeıi tómendep ketkenin málimdedi

SARI. IRNA – QazAqparat – Sarıdegi Kaspıı teńizin zertteý ulttyq ortalyǵynyń basshysy Banı Hashemı Kaspıı teńizinde sý deńgeıi ótken jyly 2018 jylmen salystyrǵanda shamamen 13 sm-ge tómendegenin aıtty, dep habarlaıdy QazAqparat IRNA agenttigine silteme jasap.

«2019 jylǵy qystyń sońynda Kaspıı teńizindegi sý deńgeıin baǵalaý 1995 jyldan bastap tómendeý úrdisterin basshylyqqa ala otyryp, Kaspıı teńizindegi sý deńgeıi 2019 jyly sońǵy 30 jyl ishindegi eń tómengi deńgeıge túskenin kórsetip berdi», - dep atap ótti ortalyq basshysy.

«Osy baǵalaý boıynsha bıyl sýdyń ortasha deńgeıi 2018 jylmen salystyrǵanda 13 sm-ge tómendep, 27,18 metrdi qurady», - deıdi ol.

Kaspıı teńizin zertteý ulttyq ortalyǵynyń basshysy «sý deńgeıi tómendeýiniń basty sebebi - Kaspıı teńizine enetin sýdyń shamamen 80 paıyzyn qamtamasyz etetin Edil ózeninen sý aǵynynyń azaıýy» dep málimdedi.

Banı Hashemıdiń aıtýynsha, Kaspıı teńizindegi ortasha temperatýranyń joǵarylaýy - teńizdegi sý deńgeıiniń tómendeýine taǵy bir sebep bolyp otyr.

Onyń aıtýynsha, saraptamalyq zertteý uzaqmerzimdi perspektıvada jyl saıynǵy qubylystarǵa qaramastan, klımattyń ózgerýi men sýdyń býlanýyna baılanysty Kaspıı teńizindegi sý deńgeıiniń tómendeýi jalǵasatynyn kórsetedi.