Iran EAEO-men kelisimniń arqasynda iri kólik habyna aınalady

<p>Iran Eýrazııalyq ekonomıkalyq odaqpen (EAEO) erkin saýda aımaǵyn qurý týraly kelisimniń arqasynda kólik habyna aınalady. Kazinform bul týraly TASS-qa silteme jasap habarlaıdy.</p>

Bul týraly Iran Islam respýblıkasynyń Azamattyq avıatsııa uıymy basshysy Mohammad Mohammadı-Bahsh IRNA agenttigine bergen suhbatynda málim etken.

— Elimizdiń ashyq sýlarǵa qoljetimdiligi Soltústik-Ońtústik dálizi boıynsha júk tasymaldaýǵa múmkindik beredi jáne EAEO-ǵa múshe-eldermen áýe qatynasy damyǵan kezde Iran iri kólik habyna aınalady, - dep habarlady vedomstva basshysy.

Ol Irannyń geosaıası jaǵdaıyn jáne túrli kólik túrlerimen júk tasymaldaý tájirıbesi bar ekenin eskere otyryp, Eýrazııalyq ekonomıkalyq odaq elderiniń osy saladaǵy qajettiligin qanaǵattandyrý maqsatynda odaqqa múshe eldermen áýe qatynasyn damytýdyń áleýeti zor ekenin atap ótti.

25 jeltoqsanda EAEO elderi Iranmen erkin saýda týraly tolyq formattaǵy kelisimge qol qoıdy. Qujatqa qol qoıý rásimi Sankt-Peterbordaǵy Joǵary Eýrazııalyq ekonomıkalyq keńes otyrysy aıasynda ótti, oǵan Reseı prezıdenti Vladımır Pýtın qatysty.