Iran BUU Áıelder jaǵdaıy jónindegi komıssııadan shyǵaryldy

ASTANA. QazAqparat – BUU Ekonomıkalyq jáne áleýmettik keńesi Irandy 2026 jylǵa deıin Áıelder jaǵdaıy jónindegi komıssııadan shyǵarý úshin daýys berdi, dep habarlaıdy QazAqparat Euronews-ke silteme jasap.

29 memleket usynysty qoldap daýys berse, 16 el daýys berýden qalys qaldy. Bolıvııa, Zımbabve, Qazaqstan, Qytaı, Nıgerııa, Nıkaragýa, Oman jáne Reseı qarsy ekenin bildirdi.
Daýys berý AQSh bastamasymen júrgizildi. Bul usynysty Iran synǵa alyp, zańsyz jáne buǵan deıin bolmaǵan dep atady.
BUU Tegerandy áıelder quqyǵyn, sonyń ishinde óz pikirin bildirý quqyǵyn buzdy jáne úkimetke qarsy narazylyqtardy qatygezdikpen basyp jatyr dep aıyptady.
Olar qyrkúıektiń ortasynda hıdjabty durys taqpaǵany úshin tutqyndalǵan Mahsy Amınıdiń óliminen keıin bastaldy. Keıin aktsııa búkil elde ótti.
Birneshe ÚEU málimetinshe, narazylyq aktsııasyn basý nátıjesinde 400 adam qaza taýyp, 2000-ǵa jýyǵy tutqyndaldy. Iran bıligi 11 adamdy ólim jazasyna kesti.

Foto :aa.com.tr