Iran bıligi eks-prezıdent Hasan Roýhanıge qarsy is qozǵady

ASTANA. QazAqparat - Iran Din isteri jónindegi arnaıy prokýratýrasy eldiń eks-prezıdenti Hasan Roýhanıge qarjy naryqtaryndaǵy aıla-sharǵy jasaýyna baılanysty birqatar is qozǵady, dep habarlaıdy QazAqparat Armenpress aqparat agenttigine silteme jasap.

Endi ol sot aldynda birqatar suraqqa jaýap berýi tıis, dep málimdedi Iran Sot bıliginiń resmı ókili Masýd Setaıeshı.

«Din isteri jónindegi arnaıy prokýratýrada din qyzmetkerleri arasynda laýazymy men dárejesi bar Irannyń burynǵy prezıdenti Roýhanıge qarsy birneshe is qozǵaldy, ol tıisti quzyretti saqtaıdy, burynǵy prezıdent sotta tıisti organ aldynda birqatar suraqqa jaýap berýi kerek tıis», - dedi Setaıeshı.

Ol sondaı-aq bul is Roýhanıdiń valıýtalyq aıla-sharǵysyna, sondaı-aq Irannyń qor naryǵynyń jumysyna aralasýyna baılanysty qozǵalǵanyn atap ótti.