Iran aı saıyn «Spýtnık V» vaktsınasynyń 2 mln-daı dozasyn óndirmek

IRAN. IRNA. QazAqparat – Iran memleketi aı saıyn 2 mln-ǵa jýyq «Spýtnık V» vaktsınasyn shyǵarýdy josparlap otyr. Bul týraly Iran aýmaǵynda atalǵan ekpeni óndiretin farmatsevtıkalyq kompanııanyń dırektory Reza Mostoýfı málim etti, dep habarlaıdy QazAqparat IRNA-ǵa silteme jasap.

«Spýtnık V» vaktsınasyn óndirý qýaty aı saıyn 2 mln doza. Buǵan deıin Irannyń Densaýlyq saqtaý mınıstri Saıda Namakıdiń qatysýymen atalǵan ekpeniń alǵash testileý partııasynyń resmı tanystyrylymy ótken.

Iran Taıaý Shyǵys elderi arasynda reseılik vaktsınany óndiriske engizgen alǵash memleket. «Spýtnık V» bul el aýmaǵynda ulttyq vaktsınatsııalaý baǵdarlamasyn júzege asyrýda qoldanylady.

Aıta ketsek, «Spýtnık V» ekpesi búginde halyq sany 3,5 mlrd-qa jetken álemniń 67 elinde tirkeldi. Onyń qatarynda Argentına, Serbııa, Bahreın, Vengrııa, Meksıka jáne taǵy basqa memleketter bar. Bul elder koronavırýs indetine qarsy jasalǵan reseılik vaktsınanyń qaýipsizdigi men tıimdiligin moıyndap otyr.