Iraktaǵy raketa shabýylynan keıin munaı baǵasy qymbattady

NUR-SULTAN. QazAqparat - AQSh prezıdenti Donald Tramptyń tapsyrmasymen Baǵdat áýejaıyna jasalǵan raketa shabýylynan keıin munaı baǵasy qymbattady, dep habarlaıdy QazAqparat CNN-ge silteme jasap.

Basylymnyń habarlaýynsha, Brent markaly munaı fıýchersi 2,9 paıyzǵa kóterilip, bir barreli 68,16 dollarǵa jetti.

Amerıkalyq munaı fıýchersi 2,8 paıyzǵa ósip, barreli $62,86 boldy.

Sarapshylardyń aıtýynsha, munaı bir aıda bir jyldyq ósimge jetkendikten, munaı baǵasy áli de ósýi múmkin.

«Sarapshylar bul jaǵdaı óńirdegi shıelenisti arttyryp, munaıdyń álemdik óndirisine áser etýi múmkin ekenin aıtýda», dep jazady basylym.

Avtordyń aıtýynsha, munaı baǵasynyń ósimi qansha ýaqytqa sozylatynyn naqty boljaý qıyn. Mysaly, qyrkúıek aıynda Saýd Arabııasyndaǵy shabýyldan keıin munaı 14 paıyzǵa qymbattasa da, birneshe kúnnen keıin baǵa qaıtadan tómen túsken edi.

Eske sala keteıik, biz buǵan deıin Iraktaǵy halyqaralyq áýejaıdy raketamen atqylap, 8 adam kóz jumǵanyn jazǵanbyz.