Irakta 27 jylda alǵash ret halyq sanaǵy ótedi

<p>ASTANA. KAZINFORM &mdash; Búgin Irak elinde jalpyulttyq halyq sanaǵy bastalady. Bul týraly <a href="https://24.kz/kz/zha-aly-tar/lemde/item/681456-irakta-27-zhylda-al-ash-ret-khaly-sana-y-tedi" target="_blank" rel="noopener">24.kz</a> saıty jazdy.&nbsp;&nbsp;</p>

Ol keıingi 27 jylda alǵash ret uıymdastyrylyp otyr. Bılik ókilderiniń aıtýynsha, memlekettiń barlyq óńirin qamtıtyn sanaq tsıfrlyq tehnologııanyń kómegimen iske asady.

Irakta uzaq ýaqyt boıy halyq sanaǵynyń júrgizilmeýine qarýly qaqtyǵystar, saıası alaýyzdyq pen koronavırýs kedergi bolǵan. Endi el bıligi bul úderistiń sátti ótetinine senim bildirip otyr. Halyq sanaǵynyń aldyn ala nátıjesi 24 saǵat ishinde jarııalanady. Al sońǵy qorytyndy 2-3 aıdan keıin shyǵady.

Irak josparlaý mınıstrliginiń esebi boıynsha 2024 jyldyń sońyna qaraı eldegi halyq sany 43 mıllıonnan asýǵa tıis.

Eske sala keteıik, buǵan deıin Irak parlamenti súnnıt depýtatty spıker etip saılaǵanyn jazǵan bolatynbyz.