Irak Elekeevtiń uly Kazakh Invest basqarma tóraǵasy bolyp taǵaıyndaldy

<p>ASTANA. KAZINFORM - Dırektorlar keńesiniń sheshimimen &laquo;KAZAKH INVEST&raquo; UK&raquo; AQ basqarma tóraǵasy qyzmetine Erjan Irakuly Elekeev taǵaıyndaldy.</p>

Erjan Elekeev 1986 jyly týǵan.

Qazaqstan Respýblıkasynyń azamaty.

Qazaqstan-Brıtan tehnıkalyq ýnıversıtetin «menedjment» mamandyǵy boıynsha jáne Glazgo ýnıversıtetin qarjy ekonomıkasy salasyndaǵy gýmanıtarlyq ǵylymdar magıstri dárejesimen bitirgen.

Eńbek jolyn 2007 jyly «QazMunaıGaz» «Barlaý Óndirý» AQ ınvestorlarmen baılanys departamentiniń taldaýshysy retinde bastaǵan.

2012-2019 jyldary «Samuryq-Qazyna» AQ-da ártúrli laýazymdardy atqardy.

2019-2020 jyldary Ázerbaıjandaǵy «Boston Consulting Group» halyqaralyq kompanııasynda jobalyq basqarý baǵytynyń basshysy bolyp jumys istedi.

2020-2021 jyldary Elekeev myrza QR Prezıdenti janyndaǵy áleýmettik-ekonomıkalyq reformalar ortalyǵynyń taldaý toby basshysynyń orynbasary qyzmetin atqardy.

2021 jyly «Alfa-Bank Qazaqstan» AQ-ǵa jobalyq keńseniń dırektory bolyp keldi.

2022 jyldyń qarasha aıynan bastap «Báıterek» UBH» AQ aktıvterdi basqarý jáne jobalarmen jumys jónindegi basqarýshy dırektory qyzmetin atqardy.