IQanat mektebiniń ashylýynda maskasyz bolǵan Ashat Aımaǵambetovke shara qoldanylýy múmkin

NUR-SULTAN. QazAqparat – IQanat mektebiniń ashylýynda maskasyz sýretke túsken QR Bilim jáne ǵylym mınıstri Ashat Aımaǵambetovke shara qoldanylýy múmkin. Bul týraly elimizdiń Bas memlekettik sanıtar dárigeri Aıjan Esmaǵambetova aıtty, dep habarlaıdy QazAqparat tilshisi.

Aıta keteıik, búgin elordadaǵy №6 qalalyq emhanada maýsymdyq tumaýǵa qarsy ekpe saldyrǵan QR Densaýlyq saqtaý mınıstri Alekseı Tsoımen birge elimizdiń Bas memlekettik sanıtar dárigeri Aıjan Esmaǵambetova da kelip, BAQ ókilderiniń saýaldaryna jaýap bergen bolatyn.

«Býrabaıdaǵy IQanat aýyl balalaryna arnalǵan mekteptiń ashylýynda maskasyz júzdegen adam bir jerde tur. Olardyń qatarynda Bilim jáne ǵylym mınıstri de bar. Bul karantın erejelerin buzý ma?» - dep suraǵan edi BAQ ókilderi Bas sanıtar dárigerden.

«Bul fakti bizge belgiligi. Ol boıynsha tıisti shara qabyldanady. Zańdy tulǵalardy da, jeke tulǵalardy da ákimshilik jaýapkershilikke tartý tártibi bar. Bul oqıǵaǵa da osy sharalar qoldanylatyn bolady. ıAǵnı, qarastyrylyp, zańnamaǵa sáıkes sharalar qolǵa alynady. Bizde zańdy tulǵalar men jeke tulǵalar arasynda shekteýler joq», - degen ol mekteptiń ashylý rásimine qatysqandardyń arasynda Bilim jáne ǵylym mınıstriniń de bolǵanyn biletindigin aıtty.