iQala ortalyǵynyń tizimi 26 jańa qyzmet túrimen tolyqty
Elorda turǵyndaryna yńǵaıly bolý úshin qoljetimdi qyzmetter tizimi iqala.kz portalynyń basty paraqshasynda jarııalandy.
Tizim 26 jańa qyzmet túrimen tolyqty. Olar onlaın rejimde iqala.kz portalynda, sonymen qatar oflaın formatynda – iQala qalalyq qyzmetter ortalyǵynda qol jetimdi.
Qyzmetter tiziliminde «Astanaenergosbyt» AQ-nyń taǵy 18 qyzmeti, «Astana-Teplotranzıt» AQ-nyń 4 qyzmet túri, «Astana-AEK» AQ-nyń 2 qyzmet túri jáne «Qazaqtelekom» AQ-nyń 2 qyzmet túri usynylady. Atalmysh qyzmet túrleri alǵash ret sandyq nusqaǵa kóshirilgen.
Qyzmetti onlaın alý úshin skanerlengen quqyq belgileıtin qujattar men ETsQ qajet. Búgingi kúni iQala qalalyq qyzmet kórsetý ortalyǵynda 5 myńǵa jýyq qyzmet kórsetilip, olardyń 50%-dan astamy portalda elektrondyq túrde usynyldy.
Qala turǵyndary úshin eń belsendi qoldanylatyn qyzmet túri – «Astana-Teplotranzıt» AQ-nyń usynatyn qyzmetteri. Sondaı-aq iQala-da elektrmen jabdyqtaý, sýmen jabdyqtaý, jylýmen jabdyqtaý jáne qoqys shyǵarý úshin «bir ótinim – 4 kelisim shart» qaǵıdaty boıynsha ekinshi rettik baspana ıeleri úshin óziniń alǵashqy kompozıttik qyzmetin iske asyrýǵa nıetti.
Esterińizge salsaq, iQala portaly barlyq monopolısterdiń qyzmetin bir elektrondyq platformada biriktiredi. Bul júıeniń kómegimen 129 qyzmet túrin alýǵa bolady.