IPO-ǵa shyqqan soń Air Astana aktsııalary qandaı alańdarda satylady

ASTANA. QazAqparat – Air Astana IPO-ǵa shyqqan jaǵdaıda onyń aktsııalarynyń jartysynan astamynyń ıesi otandyq rezıdentter bolýy kerek. Bul týraly «Samuryq-Qazyna» ulttyq ál-aýqat qorynyń damytý jáne jekeshelendirý jónindegi basqarýshy dırektory Ernar Janádil málim etti, dep habarlaıdy QazAqparat tilshisi.

«Air Astana kompanııasy IPO-ǵa shyqqan jaǵdaıda onyń ornalastyrylǵan aktsııalarynyń 51 paıyzy qazaqstandyq rezıdentterde qalýy tıis. Sondyqtan memlekettik holdıng osy alǵyshartty nazarǵa alady. ıAǵnı, aktsııa satyp alýshylary qazaqstandyq rezıdentter (jeke jáne zańdy tulǵalar) bolýy kerek. BAE Systems Air Astana aktsııalaryn IPO-ǵa ornalastyrýda qandaı da bir basymdyqqa ıe bolǵysy keledi. Biz olardyń ustanymyn qurmetteımiz jáne birlesip jumys isteýge daıynbyz», - dedi Ernar Janádil Astana Finance Days konferentsııasy barysynda BAQ ókilderiniń saýalyna.

Onyń aıtýynsha, otandyq qor bırjasynyń múmkindigi kóp.

«Óz tarapymyzdan IPO-ǵa shyqqanda aktsııany halyqaralyq úsh alańǵa ornalastyrýdy talap etemiz. Ol AIX jáne KASE jáne halyqaralyq, bul jaǵdaıda BAE Systems London alańyn kózdep otyrmyz», - deıdi Samuryq Qazyna kompanııasynyń ókili.

Buǵan deıin habarlaǵanymyzdaı, Air Astana kelesi jyly IPO-ǵa shyǵady.

«Air Astana kompanııasy IPO-ǵa ótýge daıyn. Bıyl jergilikti bırjalarǵa IPO-ǵa shyǵýdy usynamyz. Biz bedeldi ınvestor taptyq. IPO-ǵa shyǵý úshin aktsıonerleriniń pozıtsııasyna qulaq asýymyz kerek. Qazir olar Air Astana halyqaralyq bırjada jáne jergilikti bırjalarda lıstıngke shyǵýy kerek deıdi. ıAǵnı, kelissózder áli de júrip jatyr, biz olardyń talaptaryn talqylap jatyrmyz. Aldyn ala boljamǵa sáıkes Air Astana kompanııasy IPO-ǵa 2024 jyly shyǵýdy josparlap otyr», - degen edi Ernar Janádil.