Iosıf Kobzon daýys berýge kelgen adamdardyń kezekte turǵanyna tańdandy

ASTANA. QazAqparat - RF Memlekettik dýmasynyń depýtaty, qoǵam jáne mádenıet qaıratkeri Iosıf Kobzon QR Parlamenti Májilisi jáne máslıhat depýtattary saılaýynda Qazaqstan halqynyń yntymaǵyna tańdandy.

«Májilistegi saılaý ótken jyldaǵy prezıdenttik saılaýdaǵydaı birlikte jáne yntymaqtastyqta ótetinine kúmánim joq. Jaqsy jaıdary sezimde el turǵyndary saılaý ýchaskelerine aǵylýda. Adamdar bul saılaýdan ómir súrý jaǵdaıynyń jaqsarýyn kútip otyr», - dedi ol Oqýshylar saraıynda ornalasqan № 81 saılaý ýchaskesinde tilshilerge bergen suhbatynda.

Bul retti ol búgingi saılaý ashyq ári zań tártibine saı ótip jatqanyn aıta kele, daýys berýge kelgen adamdardyń kezekte turǵanyna tańdanǵanyn jetkizdi.

«Biz konstıtýtsııalyq negizdiń saqtalýynyń jáne saılaýdaǵy yntymaqtastyqtyń kýágeri bolyp otyrmyz. Adamdar eldiń bolashaǵy úshin ózderiniń azamattyq quqyǵyn bildirý turǵysynda kezekke turyp jatyr. Ókinishke qaraı, bizde Reseıde saılaýǵa bundaı kezek túzilmeıdi», - dep túıindedi Iosıf Kobzon.