Iordanııadaǵy Izraıl elshiligi aýmaǵynda atys boldy — BAQ

<p>ASTANA. KAZINFORM — Iordanııa astanasy Ammandaǵy Izraıl elshiligi aýmaǵynda atys boldy. Bul týraly <a href="https://www.reuters.com/world/middle-east/jordanian-police-cordon-off-area-near-israeli-embassy-after-gunshots-heard-2024-11-24/" target="_blank" rel="noopener">Reuters</a> jergilikti polıtsııaǵa silteme jasap habarlady.</p>

«Iordanııa polıtsııasy Izraıl elshiligi ornalasqan aýmaqty qorshaýǵa alǵannan keıin atys estilgen», — delingen agenttik habarlamasynda.

Kýágerdiń sózine qaraǵanda jergilikti polıtseıler aýmaqty qorshaǵan, atalǵan aýmaqta qaýipsizdik sharalary kúsheıtilgen.

Aldyn ala málimet boıynsha, qarýlanǵan adam kóz jumǵan, budan bólek 3 polıtseı atystan jaralanǵan.

Eske salsaq, buǵan deıin habarlaǵanymyzdaı Iordanııa soty el parlamentiniń burynǵy depýtaty Imad ál-Adýandy 10 jylǵa sottady. Oǵan Iordan ózeniniń Batys jaǵalaýyna kontrabandalyq jolmen qarý tasymaldaǵan degen aıyp taǵyldy.