Iordanııa tarapynan birigip ýran óndireıik degen usynys túsken joq – Qazatomónerkásip

ASTANA. QazAqparat – «Qazatomónerkásip» AQ basshylyǵy Iordanııa koroldigimen birlesip ýran ken oryndaryn ıgerý usynysyna túsinik berdi, dep habarlaıdy QazAqparat tilshisi.

«Iordanııa tarapy qyzyǵýshylyq tanytqanyn biz buqaralyq aqparat quraldarynan bildik. Resmı usynys alǵan joqpyz, ıaǵnı Iordanııa tarapy bizge resmı túrde júginbedi», - dedi «Qazatomónerkásip» AQ basqarma tóraǵasy Erjan Muqanov kompanııada ótken baspasóz máslıhatynda.

Sondaı-aq, basqarma tóraǵasy kompanııanyń jańa yntymaqtastyqty damytýǵa daıyn ekenin atap ótti.

Eske sala ketsek, tamyzdyń basynda Qazaqstannyń Iordanııadaǵy Elshisi Aıdarbek Týmatov Iordanııanyń Atom energııasy jónindegi komıssııasynyń tóraǵasy Haled Týkanmen kezdesti.

Taraptar Qazaqstan Respýblıkasy men Iordanııa Hashımıt Koroldigi arasyndaǵy atom energetıkasy salasyndaǵy, onyń ishinde ýran óndirý jáne óńdeý máseleleri boıynsha yntymaqtastyqtyń keleshegin talqylady.

«Iordanııa tarapy koroldiktegi ýran ken oryndaryn ıgerýde Qazaqstannyń «Qazatomónerkásip» ulttyq kompanııasymen yntymaqtastyq ornatýǵa, osy salada birlesken zertteýler júrgizýge, tájirıbe jáne bilim almasýǵa joǵary qyzyǵýshylyq tanytty», - delingen Syrtqy ister mınıstrliginiń resmı habarlamada.