Iordanııa delegattary Astana protsesiniń barlyq kezdesýlerine qatysady

ASTANA. QazAqparat -  Iordanııa ókilderi Sırııadaǵy jaǵdaıdy retteý boıynsha Astanadaǵy kelissózderdiń (Astana protsesi) ekinshi raýndy aıasynda barlyq kezdesýlerge qatysatyn bolady, dep habarlady «RIA Novostı» agenttigine osy el delegatsııasyndaǵy derekkóz.

Sırııadaǵy jaǵdaıdy retteý boıynsha Astana protsesiniń ekinshi raýndy aıasynda kelissózder Qazaqstan astanasynda 15-16 aqpan kúnderi ótedi. Birinshi raýndqa Iordanııa delegatsııasy qatysqan joq. Alaıda ıordanııalyq ókilder 6 aqpandaǵy bitimgershilikti baqylaý tetigin oryndaý boıynsha RF, Túrkııa, Iran sarapshylarynyń konsýltatsııalaryna qatysty.

 «Iordanııa Astanada ótetin barlyq tehnıkalyq jáne plenarlyq kezdesýlerge belsendi qatysatyn bolady», - dep atap ótti Reseı jańalyqtary agenttigine derekkóz.

«Biz ońtústik maıdanyna (Sırııa ońtústiginde soǵysyp jatqan toptarǵa) basa nazar aýdaramyz», - dedi  ol.