Iordanııa áýe keńistigin ýaqytsha jaýyp tastady

<p>ASTANA. KAZINFORM - Senbi kúni Iordanııanyń azamattyq avıatsııa basqarmasy aımaqtaǵy shıelenistiń kúsheıýine baılanysty barlyq keletin, ketetin jáne tranzıttik ushaqtar úshin áýe keńistigin ýaqytsha jabý týraly sheshim qabyldaǵanyn habarlady.</p>

— Bılik aldaǵy birneshe saǵat ishinde jergilikti ýaqyt boıynsha saǵat 23:00-den bastap keletin, ushatyn jáne transshekaralyq ushaqtarǵa Iordanııanyń áýe keńistigin ýaqytsha jabý týraly sheshim qabyldady. Jaǵdaı ózgeristerge sáıkes únemi jańartylyp, qaralatyn bolady, delingen habarlamada.

Memlekettik retteýshi bul sheshimniń halyqaralyq deńgeıde saqtalatyn azamattyq avıatsııa qaýipsizdigi standarttaryna sáıkes táýekeldi baǵalaýdan keıin qabyldanǵanyn atap ótti. Aımaqtaǵy shıelenistiń kúsheıýi jaǵdaıynda Iordanııanyń áýe keńistiginde azamattyq avıatsııanyń qaýipsizdigin saqtaý qajet.

Sonyń saldarynan halyqaralyq áýejaıdan ushatyn 40-tan astam reıs toqtatyldy jáne keıinge qaldyryldy, dep habarlady ıordanııalyq ál-Mamlıaka telearnasy.

Keıbir BAQ Iordanııada tótenshe jaǵdaı engizilgenin habarlady. Keıinirek úkimettik baılanys mınıstri men Iordanııa úkimetiniń ókili Mýhannad ál-Mýbaıdın bul aqparatty joqqa shyǵardy.