Injenerlik jeliler qaǵaz sııaqty tozyp ketti - Marxabat Jaıymbetov
"Máselen, búginde Pavlodar oblysynda káriz júıeleriniń tozý kórsetkishi 85 protsentke jetti. Almaty oblysynda - 75 protsent, Qaraǵandy oblysynda - 80 protsent, Temirtaý qalasynda da ınjenerlik jeliler qatty tozyp ketti. Demek, jeliler qaǵaz sııaqty tozyp ketken. Sol sebepti osy salaǵa qarjy salyp, ınjenerlik júıelerdiń tozýyn barynsha tómendetý kerek", - dedi Qurylys jáne turǵyn úı-kommýnaldyq sharýashylyq isteri komıtetiniń tóraǵasy Marxabat Jaıymbetov Astanada ótken baspasóz máslıxatynda.
Onyń aıtýynsha, sońǵy úsh jyldyń ishinde ınjenerlik jelilerdi jańǵyrtýǵa 237 mlrd teńge bólingen bolatyn. "Nurly jol" baǵdarlamasy aıasynda 2 695 shaqyrym jylý, sýmen jabdyqtaý men sý tartý jelileri, 21 qazandyq, 70 sorǵy stansasy, káriz júıesi men sý tazartý qondyrǵylary salyndy. Osynyń arqasynda ınjenerlik jelilerdiń tozý kórsetkishi 3 paıyzǵa tómendedi. Aldaǵy ýaqytta osy saladaǵy sharalar jalǵasa beredi.