Investjobalardy «jasyl dáliz» qaǵıdaty boıynsha qoldaý júıesi engiziledi

<p>Investıtsııalyq jobalardy &laquo;jasyl dáliz&raquo; qaǵıdaty boıynsha qoldaý júıesi engiziledi. Bul týraly &laquo;Altyn Sapa&raquo; jáne &laquo;Paryz&raquo; syılyqtarynyń ıegerlerin marapattaý rásiminde Prezıdent Qasym-Jomart Toqaev aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Ózderińizge belgili, buǵan deıin otandyq bıznesti negizsiz tekserýler men zańsyz qylmystyq qýdalaýdan qorǵaý jóninde tapsyrma bergen bolatynmyn. Qabyldanǵan sharalardyń nátıjesinde kásipkerlik salasyndaǵy tirkelgen qylmystar sany eki ese (837-den 402-ge deıin) azaıdy. Aqtaý negizi boıynsha toqtatylǵan qylmystyq ister sany shamamen bes ese (416-dan 92-ge deıin) qysqardy», - dedi Qasym-Jomart Toqaev.

Prezıdent ınvestıtsııalyq jobalardy prokýratýra organdarynyń servıstik qadaǵalaýyna basa mán beriletinin aıtty.

«Investıtsııalyq jobalardy «jasyl dáliz» qaǵıdaty boıynsha qoldaý júıesi engiziledi. Bul ınvestorlarǵa ruqsat beretin qujatty alý isin ońaılatady jáne jedeldetedi. Sondaı-aq olarǵa jer ýchaskelerin berý jáne kommýnıkatsııa júrgizý jumystaryn jeńildetedi», - dedi Memleket basshysy.