Investorlardyń «QazTransOıl» aktsııalaryna qyzyǵýshylyǵy taǵy da oıandy
4 shildeden beri kompanııa baǵaly qaǵazdarynyń quny birinshi ret 800 teńgege jaqyndady, bul ınvestorlardyń qyzyǵýshylyǵy qaıta oıana bastaǵanyn bildiredi.
«BTA Sekıýrıtıs» sarapshysy aǵymdaǵy baǵada QTO aktsııalarynyń ósý áleýeti joǵary ekenin aıtady. «Kompanııalardyń ınvestıtsııalyq tartymdylyǵy - qubylmalylyqtyń tómendigi men kiristeriniń ósim qarqynynyń turaqtylyǵynan, qaryzdyq júktemesiniń joqtyǵynan, IPO-ǵa shyqqan sátten bastap rentabeldiginiń jaqsarýynan jáne memleket tarapynan qoldaýdan qalyptasady», - deıdi kompanııa sholýynda.
Seven Rivers Capital Investıtsııa departamentiniń jetekshi ınvestıtsııalyq konsýltanty Sáken Óser kompanııanyń birinshi jartyjyldyqtaǵy jaqsy aldyn ala esebin negizge ala otyryp, onyń baǵaly qaǵazdaryn satyp alýǵa sebepterdiń kóp ekenin aıtady. QTO aktsııalaryna suranysty sheteldik ınvestorlar da arttyra alady. «Eger teorııalyq jaǵynan QTO aktsııalaryn London qor bırjasyna shyǵarýǵa bolady desek, onda sheteldik ınvestorlar kompanııanyń baǵaly qaǵazdaryn KASE-tegi aǵymdaǵy mámilelerden de joǵary baǵalaýy múmkin. Bizdiń sheteldik klıentter úshin «QazTransOıl» aktsııalary áli de tartymdy. Biz olardy portfeldi ınvestıtsııa aıasynda satyp alýdy usynamyz», - dep túıindedi sózin sarapshy.