Investorlardyń problemalaryn birden rettep, sheshimin tabý kerek – Oljas Bektenov

<p>ASTANA. KAZINFORM &ndash; Investıtsııa tartý ekonomıkalyq ósimniń negizgi faktorlarynyń biri bolyp qala beredi. Bul týraly búgin Úkimet otyrysynda Premer-Mınıstr Oljas Bektenov aıtty.</p>

- Barlyq negizgi makrokórsetkish boıynsha Qaraǵandy, Qyzylorda, Pavlodar, Túrkistan oblystary, Astana jáne Shymkent qalalary ósýdi qamtamasyz etti. Eń tómen kórsetkishter - Atyraý, Ulytaý, Mańǵystaý, Jambyl, Batys Qazaqstan jáne Aqmola oblystarynda. Atalǵan óńir ákimderi qalyptasqan jaǵdaıdy ózgertý úshin tıisti is-sharalardy qabyldasyn. Sonymen qatar óńirlerdiń áleýmettik-ekonomıkalyq damýyn jandandyrý úshin tyń tásilder qajet. Baǵdarlamalyq qujattardyń oryndalý barysyn júıeli úılestirýdi qamtamasyz etý kerek, - dedi Úkimet basshsy. 

Premer-Mınıstr aǵymdaǵy jaǵdaıda, ekonomıkany odan ári ártaraptandyrý, ınvestıtsııa tartý jáne turaqty jumys oryndaryn qurý baǵytynda belsendi sharalar qabyldaýy qajettigin basa aıtty.

- Investıtsııa tartý ekonomıkalyq ósimniń negizgi faktorlarynyń biri bolyp qala beredi. Bizde ınvestıtsııalyq damýdyń aıqyn baǵyty bar. Biraq ınvestıtsııa tartý – mindettiń jartysy ǵana. Mańyzdy mindet – jobalardy sapaly súıemeldeý, týyndaıtyn problemalardy sheshý men olardyń tabysty iske asyrylýyn qamtamasyz etý. Syrtqy ister jáne Ulttyq ekonomıka mınıstrlikterine múddeli memlekettik organdarmen birlesip, ınvestıtsııalyq jobalardy súıemeldeý jumysyn kúsheıtýdi tapsyramyn. Investorlardyń problemalaryn birden rettep, sheshimin tabý kerek. Sondaı-aq ákimdikterge problemalyq máselelerdi júıeli túrde óńirlik Investıtsııalyq shtabtarda qarap otyrýdy tapsyramyn, - dedi Oljas Bektenov.