Investorlar ShQO-da temirjol salýǵa múddeli

ÓSKEMEN. QazAqparat - Memleket basshysynyń tapsyrmasymen Shyǵys Qazaqstanda temirjol salynady jáne ol Qytaıdy Eýroodaq elderimen baılanystyryp turady, dep habarlaıdy QazAqparat.

shyǵBirlesken joba aıasyndaǵy zertteýler óńir basshysynyń qatań baqylaýynda.

Jolaýshylar kóligi jáne avtomobıl joldary basqarmasynyń jetekshisi Murat Musataev oblys ákimdiginiń májilisinde Qytaı tarapynyń jalpy baǵyty «Qaramaı-Tachen-Aıagóz-Reseı Federatsııasy- EO elderi» bolatyn «Qaramaı-Tachen» temirjol baǵytyn salýdy josparlap otyrǵandyǵyn eske saldy.

Olar Baqty, Taskesken, Maqanshy, Aıagóz eldi mekenderi arqyly kólik jolymen ótetin «Baqty -Aıagóz temirjol baǵytynyń 253 km qazaqstandyq bóligin salýǵa da nıetti.

Osyǵan deıin QazAqparat QHR tranzıttik temirjol baǵytyna qatysty máselelerdiń ShQO ákimi Danıal Ahmetov pen «Qazaqstan temir joly» UK» AQ-nyń vıtse-prezıdenti Sanjar Elýbaevtyń tarapynan talqylanyp, Qytaı ókilderimen de júzdeskendigi aıtylǵan bolatyn. Osy kelissózder qorytyndysy boıynsha bolashaqta halyqaralyq magıstraldyń mańyzdy bóligi bolatyn «Qaramaı-Tachen-Aıagóz» temirjol baǵytynyń «Baqty Aıagóz» bóligin salý boıynsha aldyn ala zertteýler júrgizý jóninde kelisim jasalǵan.

Bul rette atalmysh jobanyń óńirlik-geografııalyq basymdyqtary bar ekendigin jáne damý úshin áleýetiniń óte zor ekendigin aıta ketý kerek. Óıtkeni halyqaralyq magıstral Qytaıdyń soltústik shyǵysyn Qazaqstan, Reseı men EO elderin baılanystyryp turady. Al magıstraldyń Qazaqstanmen baılanysýy úshin «Baqty Aıagóz» baǵytyndaǵy bóligin salý kerek. Bul jobanyń óńir úshin de jalpy el úshin de bolashaǵy zor. Bul Qytaıdyń batys bóliginen keletin jolaýshylar men júk aǵynyn jáne ýaqytty únemdeıdi.

Qytaı tarapynyń málimetterine qaraǵanda, eger joba sátimen júzege asatyn bolsa, 2020 jylǵa qaraı júk aǵyny 1,85 mln tonnaǵa, al 2030 jyly 3 mln-nan astam tonnaǵa jetedi.