Investorlar aldyndaǵy memlekettiń barlyq mindettemeleri men kepilderi tolyq oryndalady - Prezıdent

NUR-SULTAN. QazAqparat – Investorlar aldyndaǵy memlekettiń barlyq mindettemeleri men kepilderi tolyq oryndalady. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Qazaqstanda tikeleı shetel ınvestıtsııasyn tartý úshin barlyq jaǵdaı jasalǵan. Biz qolaıly ınvestıtsııalyq ahýaldyń saqtalǵanyna múddelimiz. Memleket ishki jáne sheteldik ınvestorlardyń senimin qaıta qalpyna keltirý úshin qajetti barlyq is-sharany qabyldaıtyndyǵyna sendirgim keledi. Investorlar aldyndaǵy memlekettiń barlyq mindettemeleri men kepilderi tolyq kólemde oryndalatyn bolady. Dál osy kezeńde ESG – jahandyq energetıkalyq jáne tehnologııalyq aýysý talaptarynyń kúsheıýi jaǵdaıynda eldiń tartymdylyǵyn arttyrý úshin ınvestıtsııalyq saıasattyń jańa tujyrymdamasy qajet», - dedi Májilis otyrysyna beınebaılanys arqyly qatysqan Qazaqstan Prezıdenti.