Investordyń memorgandarǵa qatysty shaǵymyn qaraıtyn jumys toby qurylady

ASTANA. QazAqparat – Qazaqstan ekonomıkasyna qarajat salýǵa múddeli sheteldik ınvestorlar endi memelekettik organdardyń jumysyna qatysty shaǵymyn arnaıy qurylǵan jumys tobyna joldaı alady, dep habarlaıdy QazAqparat tilshisi.

«Osy ókimniń qosymshasyna sáıkes quramda «Investorlardyń memlekettik organdardyń áreketterine nemese áreketsizdigine shaǵymdaryn qaraý máseleleri jónindegi» turaqty jumys toby qurylsyn», - dep jazylǵan Ashyq NQA portalynda jarııalanǵan Úkimet ókiminiń-jobasynda.

Belgili bolǵandaı, bul bastama eldegi Investıtsııalyq ombýdsmen ınstıtýtyn nyǵaıtý maqsatynda usynylyp otyr.

«Jobany qabyldaý ınvestorlardyń memlekettik organdardyń áreketteri men áreketsizdigine shaǵymdaryn tıimdi qaraýǵa, sondaı-aq Investıtsııalyq ombýdsmen ınstıtýtyn nyǵaıtýǵa múmkindik beredi», - dep túsindirme berilgen ókimge.

Qujat 2 tamyzǵa deıin kópshilik talqylaýda bolady.

Eske salaıyq, buǵan deıin Syrtqy ister mınıstriniń orynbasary Almas Aıdarov el ekonomıkasyna eń kóp ınvestıtsııa salǵan top-10 eldi ataǵan edi. Olar Qazaqstan ekonomıkasyna 28 mlrd dollarǵa jýyq qarajat baǵyttaǵan.