Investıtsııalyq jobalardy súıemeldeý protsesi avtomattandyrylady

<p>ASTANA. KAZINFORM &ndash; Investıtsııalyq jobalardy súıemeldeý protsesi avtomattandyrylady. Bul týraly Májilistiń Halyqaralyq ister, qorǵanys jáne qaýipsizdik komıtetiniń otyrysynda Bas prokýratýranyń Qoǵamdyq múddelerdi qorǵaý qyzmeti bastyǵynyń orynbasary Rızat Smaǵulov aıtty.</p>

«Birinshi kezektegi sharalardyń biri barlyq ınvestıtsııalyq protsesterdi tsıfrlandyrý bolmaq. Bul ınvestıtsııalardy tartýdan bastap, jobany paıdalanýǵa berýge deıingi barlyq satylardy naqty ýaqyt rejıminde baqylaýǵa múmkindik beredi. Investorlar týraly ózekti aqparat qoljetimdi, ınvestıtsııalyq jobalardy iske asyrý protsesi ashyq bolady. Eger buzýshylyqtar men ákimshilik kedergiler bolsa, IT júıesi olardy birden Syrtqa ister mınıstrligi men prokýrorǵa jiberedi», - dedi Rızat Smaǵulov.

Onyń aıtýynsha, bul prokýratýra organdary, ýákiletti memlekettik organdar jáne ınvestorlardyń ózderi tarapynan turaqty onlaın-súıemeldeýdi jáne monıtorıngti qamtamasyz etedi.

«Syrtqa ister mınıstrligi osyndaı aqparattyq platformany ázirlep jatyr. Investıtsııalyq platformadaǵy ınvestorlarǵa qatysty negizgi sheshimderdi prokýrorlarmen kelisý fýnktsııasyn engizý boıynsha bastamamyz Investıtsııalyq shtabtyń otyrysynda qoldaý tapty. Platformany paıdalanýǵa berý 30 sáýirge deıin josparlanǵan», - dedi ol.