Investıtsııalyq daýlardyń 80 paıyzynda memorgandardyń ýáji teris bolyp shyǵady – Joǵarǵy sot sýdıasy
«2021 jylǵy shildeden bastap jumysqa kirisken ákimshilik sottardyń jumysyn saralaıtyn bolsaq, búgingi tańda talapkerlerdiń talap-aryzdaryn qanaǵattandyrý paıyzy 79-80 paıyz bolyp otyr. Sonda memlekettik organdarǵa shamamen 20 paıyzǵa ǵana jeńip otyr, qalǵany kásipkerlerdiń, ınvestorlardyń paıdasyna sheshilýde», - dedi ol ınvestorlardyń quqyqtaryn qorǵaý máselesine arnalǵan forýmda.
Aıtýynsha, ákimshilik sottar ashylǵanǵa deıin sot sheshimderiniń ınvestor paıdasyna sheshilý kórsetkishi 15 paıyz bolǵan.
«Bul daýlar ekonomıkanyń barlyq salasyn qamtıdy. Biraq munaı-gaz salasyndaǵy, jer qoınaýyn paıdalaný máseleleri boıynsha iri kásipkerlerde másele týyndap jatady», - dedi Joǵarǵy sot sýdıasy.
Nurjan Qaıypjanov ınvestor men memlekettik organdar arasyndaǵy daýlar kóbinese qandaı máseleler tóńireginde týyndaıtynyn da aıtty.
«Investorlar memlekettik organdarmen kelisimshartqa otyrǵannan keıin taraptardyń arasynda daý týyndaıdy. Memlekettik organdardyń tıisti ruqsattardy ýaqtyly berýi, kelisimsharttardyń merzimin uzartý máselesi boıynsha daýlar týyndaıdy. Keı jaǵdaıda memlekettik organdar osyndaı kelisimsharttardy negizsiz, birjaqty buzyp jatady. Sol kelisimsharttardyń tóńireginde týyndaıtyn daýlardyń bári biz arqyly ótedi», - dedi ol.
Sondaı-aq, ol týyndaǵan daýlardyń 20 paıyzy ǵana memlekettik organdardyń paıdasyna sheshilip jatqanyn ákimshilik sottardyń tıimdi jumysymen baılanystyrdy.
«Ony memlekettik organdardyń qateligi kóp dep birjaqty aıtýǵa bolmaıdy. Biraq ınvestorlardyń múddelerin sottar qorǵap otyr dep aıtýǵa bolady», - dedi Joǵarǵy sot sýdıasy.