Investıtsııa, altyn, zııatkerlik menshik: Qazaqstandyqtar tabysty qaıdan taýyp jatyr

<p>ASTANA. KAZINFORM &ndash; Jalpyǵa birdeı deklaratsııanyń 3-shi&nbsp; kezeńiniń qorytyndysy jarııalandy. Qazaqstandyqtardyń qandaı aktıvteri men jeke múlikteri bar? Ol týraly Qarjy mınıstrligi Memlekettik kirister komıtetiniń jeke tulǵalardyń tabystaryn ákimshilendirý basqarmasynyń bas sarapshysy Ersaıyn Kóptileýuly aıtyp berdi.</p>

«800 myń adam jalpy somasy 17 097 mlrd teńge qolma-qol aqsha qarajatyn kórsetti, 18 853 adam Qazaqstan Respýblıkasynan tys jerlerde tirkelgen jyljymaıtyn múlik obektileri baryn rastap deklaratsııa tapsyrdy. Sonymen qatar 6 656 adam Qazaqstan Respýblıkasynan tys jerdegi kólik quraldaryn kórsetip, 9 521 adam azamat sheteldik bankterdegi bank shottary bar ekenin kórsetti», - dedi Ersaıyn Kóptileýuly vedomstvoda ótken baspasóz máslıhatynda.

Kirister komıtetiniń málimetterine súıensek, 22 671 qazaqstandyq debıtorlyq jáne kredıtorlyq bereshegin, onyń ishinde elden tys jerlerde 4 939 adam senimgerlik basqarýǵa berilgen múlik obektileri baryn rastaǵan. Sonymen qosa 4 031 adamnyń Qazaqstannan tys jerlerde qurylǵan zańdy tulǵanyń jarǵylyq kapıtaly bar bolyp shyqty.

«16 979 azamat turǵyn úı qurylysyndaǵy, onyń ishinde Qazaqstan Respýblıkasynan tys jerlerde úlesi baryn kórsetken. 5 406 adam ınvestıtsııalyq altynnyń bar ekenin rastady. Odan bólek, 26 184 qazaqstandyq elde jáne odan tys jerlerdegi 65 238 baǵaly qaǵazyn usyndy. 5 779 otandasymyzdyń 7 197 ınvestıtsııalyq paı qory bar. Sol sııaqty 4 685 adamnyń Qazaqstanmen odan tys jerlerde 8 509 zııatkerlik menshik jáne avtorlyq quqyq obektileri anyqtaldy. Taǵy bólek deklaratsııada 42 794 el azamatynyń Qazaqstan men onyń aýmaǵynan tys jerlerde 1000 AEK-ten asatyn múlik obektilerin kórsetti», - deıdi ol.

Buǵan deıin habarlaǵanymyzdaı, 2024 jylǵy 27 qazandaǵy jaǵdaı boıynsha 2,1 mln adam deklaratsııa tapsyrdy.