Investıtsııalyq sýbsıdııalaý baǵdarlamasy aıasynda dıqandarǵa 4,9 mlrd teńge beriledi

ASTANA. QazAqparat - Bıylǵy on aı ishinde ınvestıtsııalyq sýbsıdııalaý baǵdarlamasy aıasynda «Qazagromarketıng» AQ-na agroónerkásiptik keshen sýbektilerinen barlyǵy 1 634 ótinim qabyldanǵan.

Olardyń ishinde 1 420 ótinim boıynsha ákimdikterdiń janyndaǵy komıssııa otyrystarynyń qorytyndylaryna sáıkes, sýbsıdııalardyń tólenýi maquldandy. Maquldanǵan jobalardyń jalpy quny 24,8 mlrd. teńgeni qurap otyr. Al, tólenýi maquldanǵan sýbsıdııa kólemi 4,9 mlrd. teńge.

Baǵdarlamaǵa elimizdiń 14 oblysy men Astana qalasynyń AÓK sýbektileri qatysyp otyr.

Qyzylorda, Ońtústik Qazaqstan, Jambyl, Qaraǵandy, Batys Qazaqstan, Qostanaı, Shyǵys Qazaqstan, Almaty oblystarynda aǵymdaǵy jylǵa qaralǵan barlyq sýbsıdııalar tolyq kólemde ıgerildi. Pavlodar, Aqtóbe, Soltústik Qazaqstan, Mańǵystaý, Aqmola, Atyraý oblystary men Astana qalasynda bul baǵyttaǵy jumys jalǵasýda.

Maquldanǵan ótinimderdiń kóbisi mynadaı baǵyttarǵa tıesili:

1. «Іri qara maldyń taýarly fermalaryn keńeıtý jáne tehnıkalyq jaraqtaý» - 654 ótinim;

2. «Etti mal sharýashylyǵy, qoı sharýashylyǵy, jylqy sharýashylyǵy jáne shoshqa sharýashylyǵy boıynsha sharýashylyqtar qurý jáne keńeıtý» - 294 ótinim;

3. «Jaıylymdardy sýlandyrý ınfraqurylymdaryn salý (qudyqtar, uńǵymalar)» - 226 ótinim.

Maquldanǵan ótinimder boıynsha sýbsıdııalardyń neǵurlym kóp bóligi myna salalarǵa baǵyttalady:

1. «Іri qara maldyń taýarly fermalaryn keńeıtý jáne tehnıkalyq jaraqtaý» - 1,4 mlrd. teńge;

2. «Etti mal sharýashylyǵy, qoı sharýashylyǵy, jylqy sharýashylyǵy jáne shoshqa sharýashylyǵy boıynsha sharýashylyqtar qurý jáne keńeıtý» - 727 mln. teńge;

3. «Syıymdylyǵy 3000 mal ornynan kem emes bordaqylaý alańdaryn qurý jáne keńeıtý» - 503 mln. teńge.

Investıtsııalyq sýbsıdııalaý byltyrdan beri «Agrobıznes-2020» baǵdarlamasy aıasynda júzege asyrylyp keledi.

Investıtsııalyq sýbsıdııalar elimizdiń agroónerkásiptik keshenindegi ınvestıtsııalyq jobalardy iske asyrýǵa ketken ınvestorlar shyǵyndarynyń 20-dan 80%-ǵa deıingi úlesin óteýge baǵyttalady. Bul baǵdarlama aıasynda agroónerkásiptik keshenniń basymdy salalarynda jańa óndiristik qýattar qurý nemese jumys istep turǵandaryn keńeıtý maqsatynda satyp alynǵan tehnıka men qural-jabdyqtardyń, sonymen qatar iske asyrylǵan qurylys-montaj jumystarynyń quny ishinara óteledi. Jalpy baǵdarlama boıynsha agroónerkásiptik keshenniń 18 óndiristik baǵyty qamtylǵan.

Eske sala ketsek, ınvestıtsııalyq sýbsıdııalaý elimizde alǵash ret «Agrobıznes-2020» baǵdarlamasy aıasynda byltyrdan beri júzege asyryla bastady.