Investıtsııalar boıynsha jaýapty sheshimderdi Úılestirý keńesi qabyldaıtyn bolady - Mamın
«Ekonomıkanyń sapaly damýyn qamtamasyz etý - ınvestıtsııalardy tartýmen baılanysty. Bul máselede álemdik deńgeıde ǵana emes, bizdiń aımaqta da aıtarlyqtaı básekelestik bar. Osyǵan oraı iskerlik orta men bıznes ahýaldy jaqsartý úshin únemi jumys isteýimiz kerek. Elbasy ekonomıkanyń turaqty damýyn qamtamasyz etý boıynsha mindet qoıdy. Osy mindetti iske asyrý úshin orta merzimdik kezeńde negizgi kapıtalǵa salynatyn ınvestıtsııalar kólemin - JІÓ-niń 30 paıyzyna deıin arttyrý kerek. Osy maqsatqa jetý úshin ekonomıkanyń turaqty damýyna qajetti tikeleı sheteldik ınvestıtsııalardy tartý asa mańyzdy mindet. Osy rette, tikeleı sheteldik ınvestıtsııalar elimizdiń damýynyń negizgi draıveri bolyp tabylady», - dedi Premer-Mınıstr.
Úkimet basshysy elimizdiń ekonomıkasyna sheteldik ınvestıtsııalardy jańa serpinmen tartý boıynsha naqty jumysty uıymdastyrý qajettigin atap ótti
«Búgin ınvestıtsııalardy tartý boınysha jańa tásilder usynyldy. Olardyń engizilýi boıynsha naqty sheshimder qabyldanǵan. Bul rette, birinshiden, ınvestıtsııalardy tartý máselesi boıynsha barlyq jaýapty sheshimder Úılestirý keńesiniń qaraýyna shyǵarylatyn bolady. Keńestiń birinshi otyrysyn mamyr aıynda ótkizemiz. Jalpy Úılestirý keńesiniń otyrysy kelesi aıdan bastap júıeli túrde júrgiziletin bolady. Ekinshiden, AHQO alańynda ınvestorlarmen jumys júrgizetin biryńǵaı ekojúıe qurylady. Júıege barlyq damý ınstıtýttary kirip, «bir tereze» qaǵıdaty boıynsha jumys atqarady. AHQO aımaqtyq ınvestıtsııalardy damytý ortalyǵyna aınalý kerek. Úshinshiden, óńirler ınvestıtsııalardy tartý boıynsha aýqymdy jumys atqarýda. Investıtsııalyq jobalar barlyq óńirlerde júzege asyrylady. Osy rette, ákimdikter ınvestorlarmen belsendi jumys júrgizýi kerek», - dedi A.Mamın.
Mınıstrler kabınetiniń basshysy sheteldik ınvestıtsııalardy tartý - elimizdiń turaqty damýyn qamtamasyz etip, halyqtyń turmys sapasyn arttyrýǵa, jańa jumys oryndaryn qurýǵa, áleýmettik máselelerdi sheshýge negiz bolatynyn atap ótti.
«Mindetter men tapsyrmalar aıqyndaldy. Endi osy baǵytta qarqyndy jumys júrgizilýi kerek», - dedi ol.
Eske sala ketsek, buǵan deıin Premer-Mınıstr Asqar Mamınnyń tóraǵalyǵymen elimizde Investıtsııalar tartý jónindegi úılestirý keńesi qurylǵanyn habarlaǵan edik.