Intımdik sýretterdi taratamyn: Shymkenttik boıjetkendi bopsalaǵan Ózbekstan azamaty ustaldy

<p>Shymkent qalalyq polıtsııa departamentiniń uıymdasqan qylmysqa qarsy kúres basqarmasynyń qyzmetkerleri jergilikti turǵynnan aqsha bopsalaǵan Ózbekstan azamatyn ustady, dep habarlaıdy <a href="Kazinform" target="_blank" rel="noopener">Kazinform</a>.</p>

Jábirlenýshi boıjetken áleýmettik jelide er adammen tanysyp, birneshe aı boıy hat almasqan. Keıin kúdikti senimge ıe bolyp, onyń jeke derekteri men fotosýretterine jáne ıntımdik sýretterine qol jetkizgen. Keıin bul sýretterdi «jaqyndaryna taratamyn» dep qorqytyp, aqsha talap ete bastaǵan.

Uıymdasqan qylmysqa qarsy kúres basqarmasynyń qyzmetkerleri júrgizgen arnaıy operatsııanyń nátıjesinde bopsalaýshy Atyraý qalasynda ustaldy. Ol 34 jastaǵy Ózbekstan azamaty bolyp shyqty.

«Polıtsııa atalǵan jaıtqa qatysty Qylmystyq kodekstiń 194-baby «Bopsalaý» boıynsha tergeý júrgizip jatyr. Kúdiktiniń osyǵan uqsas basqa da qylmystarǵa qatysy bar-joǵy tekserilýde. Tártip saqshylary áleýmettik jelilerde beıtanys adamdarmen jeke taqyryptarda hat almasýǵa jáne jeke sıpattaǵy fotosýretter men beınelerdi saqtaýǵa jáne jiberýge bolmaıtynyn eskertedi», - delingen Shymkent qalasy polıtsııa departamentiniń baspasóz qyzmeti taratqan aqparatta.