Interpol izdeýge jarııalaǵan qylmysker Almatyda ustaldy
02:21, 21 Mamyr 2023
ALMATY. QazAqparat –Frantsııanyń quqyq qorǵaý organdary izdeýge jarııalaǵan kúdikti Almaty qalasynda ustaldy, dep habarlaıdy QazAqparat Polisia.kz-ke silteme jasap.
«Másele kórshi memleketterdiń biriniń azamaty týraly bolyp otyr. Belgili bolǵandaı, ony Frantsııanyń quqyq qorǵaý organdary izdeýge jarııalaǵan. 32 jastaǵy K.esimdi azamat asa iri kólemdegi alaıaqtyq, uıymdasqan qylmystyq top qurý jáne aqsha jymqyrý boıynsha aıyptalyp otyr.
Ony Almaty qalasynyń kóshi-qon qyzmeti, sondaı-aq krımınaldyq polıtsııa qyzmetkerleri ustady. Kúdikti Polıtsııa departamentiniń ýaqytsha ustaý ızolıatoryna qamaldy», - delingen polıtsııa málimetinde.