Internettegi otandyq bilim berý resýrstaryn tegin usyný kerek – Memleket basshysy

NUR-SULTAN. QazAqparat – Internet tarıfteri aıasynda otandyq bilim berý resýrstaryn mektepterde tegin usyný kerek. Bul týraly Ulttyq qoǵamdyq senim keńesiniń 5-otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Mobıldi operatorlardyń «Bilim» tarıfi karantın ýaqytynda qashyqtan oqytýǵa keńinen jol ashty. Sonyń arqasynda Qazaqstannyń 600 bilim berý resýrsyn shekteýsiz paıdalanýǵa múmkindik týdy. Bul qadam oqýshylardyń arasyndaǵy tsıfrlyq teńsizdikti azaıtýǵa aıtarlyqtaı yqpal etti. Qashyqtan bilim berýdi damytýdyń osy ádisin toqtatpaı jalǵastyra berý qajet dep sanaımyn. Sondaı-aq ınternet tarıfteri aıasynda otandyq bilim berý resýrstaryn mektepterde tegin usyný kerek. Úkimetke bul sheshimderdi jan-jaqty pysyqtaýdy tapsyramyn», - dedi Qazaqstan Prezıdenti.