Internette qazaq tildi aýdıtorııa ulǵaıyp keledi - WikiBilim

ASTANA. QazAqparat - «WikiBilim» qoǵamdyq qorynyń negizin qalaýshylardyń biri Nurtaı Áshimniń aıtýynsha, qazaqsha Vıkıpedııany paıdalaný kórsetkishi jyldan jylǵa artyp keledi, dep xabarlaıdy QazAqparat tilshisi.

«Bastapqyda Vıkıpedııaǵa kiretin qazaqstandyq trafıktiń 96 paıyzy orys tiliniń úlesinde boldy. Halyqtyń 4,3 paıyzy aǵylshyn, tek 0,2 paıyzy ǵana qazaq Vıkıpedııasyna kiretin. Qazirgi kezde atalǵan kórsetkishter túbegeıli ózgerdi. Tutynýshylardyń 30-35 paıyzy qazaq Vıkıpedııasyna kirip júr. Ol neni kórsetedi? Demek, mektep oqýshysy Google-de, ıa bolmasa, basqa júıege izdeý salǵanda Vıkıpedııanyń aqparaty shyǵady. Eger ol qajetti málimetti óz tilinde tapsa, sol tildiń aıasynda qalady. Al tappaǵan jaǵdaıda basqa tilde izdeı bastaıdy», - dedi Áshim búgin «Astana Digital Forum»-da.

Onyń aıtýynsha, bıyl «WikiBilim» qoǵamdyq qorynyń ataýy aýysty. Búginde atalǵan uıym «Ulttyq aýdarma bıýrosy» dep atalady.

Aıta keteıik,  búgin «Astana Media Week» aptalyǵy aıasynda «Astana Digital Forum» ashyldy. Osy forýmnyń ashylý saltanatynda  QR Aqparat jáne kommýnıkatsııalar mınıstri Dáýren Abaev tsıfrlandyrýdy qarapaıym mysaldarmen túsindirdi . Al  "CEO Select Communication Group"-tyń ókili Vıktor Elıseev tsıfrlandyrý aıasynda jumyssyzdyqqa daıyn bolý qajettigin jetkizdi .  Qazaqtannyń ınternet kommertsııaǵa qatysý kórsetkishi de jarııalandy .