Internet taratatyn bazalyq stantsııalardyń zııany joq – Baǵdat Mýsın

NUR-SULTAN. QazAqparat - Tsıfrlyq damý, ınnovatsııalar jáne aeroǵarysh ónerkásibi birinshi vıtse-mınıstri Baǵdat Mýsın ınternet taratatyn bazalyq stantsııalardyń zııany joqtyǵyn túsindirdi, dep habarlaıdy QazAqparat tilshisi.

«Adamdarǵa sapaly ınternet berý úshin respýblıka boıynsha 20 myń shaqyrym optıka tartamyz. Internetti sol eldi mekenniń ishinde taratý, úıge jetkizý úshin kóp qarajat kerek. Sondyqtan, bazalyq stantsııalar ornatylady. Bul stantsııalar arqyly 4G mobıldi ınternet beriledi. Sondaı aýyldarda 4G ınternet bolsa, halyq mobıldik qurylǵy, desktop, noýtbýktardyń barlyǵymen mobıldi ınternetke qosyla alady», - dedi Baǵdat Mýsın «Jańa oqý jyly – jańa múmkindikter» taqyrybyndaǵy onlaın konferentsııada .

Onyń aıtýynsha, jyl sońyna deıin 928 aýylǵa bazalyq stantsııa ornatylady. Qazirgi ýaqytta onyń 60-ǵa jýyǵyna ornatyldy.

«Qala mańyndaǵy aýyldarda ınternet bar, biraq symmen ınternet tartylmaǵan. Qosshy, Qaskeleńdi alaıyq, onda kóp páterli emes, jer úıler kóp. Sol jekemenshik úılerge sym tartý – úlken másele, úlken qarajatty talap etedi. Sondyqtan biz radıoınternetti qoldanamyz. Radıoınternettiń sapasyn jaqsartý úshin bazalyq stantsııalardy kóptep ornatý kerek. Biraq, munda bir másele bar. Mysaly Nur-Sultanda Family Village degen shaǵynaýdan bar, kottedjder. Biraq sol Family Village-degi 2-3 januıa ákimdikke hat jazyp, kondomınıým ishinen bazalyq stantsııalardy shyǵaryp tastaýdy suraǵan. Ákimdiktiń ol ótinishti oryndamaýǵa esh quqyǵy joq. Sondyqtan, Family Village ınternetpen qatmamasyz etý úshin biz qazir BI Group-tan jer ýchaskesin surap alyp, sonda bazalyq stantsııa ornatýǵa májbúr boldyq», - dedi spıker.

B. Mýsın bazalyq stantsııalarǵa narazylyq máselesi kópqabatty úılerde de týyndap jatqanyn jetkizdi.

«Osy stýdııany paıdalanyp, radıofobııa máselesin aıtqym keledi. Qoryqpaý kerek. Bazalyq stantsııanyń tóbede turýy páterdegi adamǵa esh áser etpeıdi. Onyń esh zııany joq, sanepıdemıologııalyq normalarǵa túgel saı. Úıińizdegi qysqa tolqyndy pesh qansha tolqyn shyǵarsa, bazalyq stantsııa da solaı. Bul - barlyq elderde, barlyq qalalarda qoldanylatyn tehnologııa.

Sol bazalyq stantsııa sizdiń janyńyzda bolmasa, sizdiń mobıldi telefonyńyzdan kóbirek radıotolqyn shyǵady. Sonyń zııany kóbirek. Sondyqtan, bazalyq stantsııa jaqynda bolǵany jaqsy», - dep túsindirdi B. Mýsın.