Internet baılanysy bolmaǵan aralyqqa aqy tólenýi kerek pe

ASTANA. QazAqparat - Beeline Qazaqstannyń bas atqarýshy dırektory Evgenıı Nastradın turǵyndardyń baılanys sapasyna qatysty shaǵymdaryna jaýap berdi, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda baılanys operatorlaryna sapaǵa qatysty suraq qoıyldy. «Internet joǵalǵan kezde aqy tóleý júre bere me? Tıisti tarıf aıasynda tolyq qyzmet almasa, onda turǵyndar nege aqy tóleýi kerek?» - degen saýal boldy.

«Baılanystyń sapasy men turaqtylyǵy operatorlardyń jumysyna ǵana baılanysty emes. Birinshiden, jabdyqtar ornalasqan nysandarda túrli apattar bolady. Eger qaladaǵy elektr energııasy jelisinde apat bolsa, onda qaladaǵy baılanys ta avtomatty túrde joǵalady, ıaǵnı elektr qýatynsyz ınternet bolmaıdy. Eger mundaı jaǵdaılar bolsa, jaýapty merdigerler apattyń saldaryn joıýǵa kirisedi. Qaladaǵy ınfraqurylymdy jóndeý barysynda keıde jumysshylar optıkalyq jelini baıqaýsyzda úzip jatady, ony jóndeýge 6 saǵatqa deıin ýaqyt kerek», - dedi E. Nastradın Ortalyq kommýnıkatsııalar qyzmetindegi baspasóz máslıhatynda.

Osy oraıda, ol baılanys operatorlary ınternet joǵalǵan kezde júıeni barynsha jyldam qosýǵa tyrysatynyn aıtty.

Budan buryn habarlanǵandaı, bıyl shilde aıynda Kcell/Activ abonentteri ınternet baılanysy boıynsha birneshe ret problemaǵa tap boldy. Jeli qalpyna keltirilgennen keıin, operator tehnıkalyq problemaǵa qatysty ınternetsiz qalǵan abonetterge arnaıy bonýs berdi.