Internet arqyly jasalatyn alaıaqtyq boıynsha 388 adam ustaldy - ІІM
«Internet arqyly jasalatyn alaıaqtyqqa qarsy kúres turaqty túrde júrgizilýde. Qolǵa alynǵan sharalardyń arqasynda bıyl osyndaı myńǵa tarta qylmys ashyldy. Osy qylmystarǵa qatysty 388 adam ustaldy. Olardyń 160-y eki nemese odan da kóp qylmysqa qatysy bar degen kúdikke ilingen. Internet-alaıaqtyqtyń basym bóligi transshekaralyq sıpatqa ıe. Internettegi saýda-sattyq barysynda taraptardyń bir-birimen kezdespeıtini belgili. Sol sebepti, qylmysker bir óńirde otyryp alyp, ekinshi óńirde qylmysyn jasaı alady», - deıdi QR ІІM ókili vedomstvoda ótken baspasóz máslıhatynda.
Rústem Dúısetaev óz sózine ınternettegi alaıaqtyqtyń birneshe túri baryn aıtady. Bir jaǵdaıda qylmyskerler jalǵan jarnamalar arqyly azamattardy aldasa, ekinshi jaǵdaıda adamdardyń jeke qujattaryn paıdalana otyryp, pıǵyldaryn iske asyrady.
«Internettegi alaıaqtyqtyń eń kóp kezdesetin túri – múlik nemese taýar, qyzmet týraly jarnama jarııalaý arqyly jasalady. Mundaı sanatta bıyl 4,5 myń qylmys tirkeldi. Alaıaqtar mundaı jaǵdaıda klıentterdi arzan baǵamen arbap aldaıdy. Aldyn ala jarna nemese tolyq aqshany bank kartasyna nemese elektrondy ámııanǵa jiberýdi suraıdy. Álbette, bank kartalary múlde úshinshi adamǵa tıesili bolýy múmkin», - dedi ol.