Internet arqyly birneshe ret alaıaqtyq jasaǵan qylmystyq top ustaldy

NUR-SULTAN. QazAqparat – Internet arqyly birneshe alaıaqtyq jasaǵan 15 adamnan turatyn qylmystyq top ustaldy. Olar – Qazaqstan men Reseı azamattary, dep habarlaıdy QazAqparat Polisia.kz saıtyn silteme jasap.

13-22 maýsym aralyǵynda óz páterin satqan Almaty turǵyny alaıaqtardyń arbaýyna ushyraıdy. Ol birneshe transhpen satylymnan túsken 23 mln teńgeni alaıaqtardyń shottaryna aýdarǵan. Aldanyp qalǵanyn túsingen jábirlenýshi 24 maýsymda quqyq qorǵaý organdaryna júgindi. Atalǵan faktige baılanysty Almaty qalasy Almaly aýdanynyń PB Qazaqstan Respýblıkasy QK 190-babynyń 4-bóliginde (Asa iri mólsherdegi alaıaqtyq) kózdelgen qylmystyq quqyq buzýshylyq quramynyń belgileri boıynsha sotqa deıingi tergeý bastady.

ІІM Krımınaldyq polıtsııa departamenti men Almaty PD asa tájirıbeli qyzmetkerlerinen arnaıy jedel-tergeý toby quryldy. Jedel izdestirý jáne tergeý is-sharalary barysynda alaıaqtyq áreketterde Qazaqstannyń ártúrli qalalarynda turatyn jalǵan tulǵalarǵa resimdelgen 10-ǵa jýyq bank kartalary paıdalanylǵany anyqtaldy.

Qazaqstan Respýblıkasy ІІM kıberqylmyspen kúres bólimshesiniń jedel ýákilderi Pavlodar oblysy jáne Almatydaǵy áriptesterimen birge Qazaqstan men Reseıdiń 15 azamatynan quralǵan qylmystyq topty ustady. Beseýine qatysty «qamaýǵa alý» bultartpaý sharasy tańdaldy.

Ustalǵan top músheleriniń ınternettegi alaıaqtyqtyń alty epızodyna yqtımal qatystylyǵy anyqtaldy. Keltirilgen shyǵyn 106 mıllıon teńgeden astam.