Internet-alaıaqtyq jasaǵandarǵa qatysty jaza kúsheıedi

ASTANA. QazAqparat – Internet jelisi arqyly alaıaqtyq jasaıtyndarǵa qatysty qoldanylatyn jaza qatańdatylady. Ashyq talqyǵa shyǵarylǵan «QR keıbir zańnamalyq aktilerine Qylmystyq, Qylmystyq-protsestik jáne Qylmystyq-atqarý kodeksterin ońtaılandyrý máseleleri boıynsha ózgerister men tolyqtyrýlar engizý týraly» Zań jobasynda osylaı jazylǵan, dep habarlaıdy QazAqparat tilshisi.

«Alaıaqtyq, ıaǵnı bótenniń múlkin jymqyrý nemese aldaý nemese senimdi teris paıdalaný jolymen bóten múlikke quqyqty ıemdený – múlki tárkilenip, 3 000 aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne 800 saǵatqa deıingi merzimge qoǵamdyq jumystarǵa tartýǵa ne 2 jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady», - dep kórsetilgen qujatta.

QR Qylmystyq kodeksiniń 190-babyna (Alaıaqtyq) jańa redaktsııamen «Internet jelisi» termıni engizilgen. ıAǵnı, aldaǵy ýaqytta ınternet-alaıaqtarǵa da joǵaryda atalǵan jaza qoldanylmaq.

Aıta keteıik, qazir alaıaqtyq jasaǵandarǵa 1 000 AEK aıyppul salynady nemese 600 saǵatqa deıin qoǵamdyq jumystarǵa tartylady. Al usynylyp otyrǵan ózgeris boıynsha endi aıppul kólemi 1 myńnan 3 myń AEK-ke deıin kóbeıedi jáne túzetý jumystarynyń ýaqyty 600-den 800 saǵatqa deıin uzarady.

Qujatty ashyq talqylaý 23 qańtarǵa deıin jalǵasady.