Internet-alaıaqtyqtyń jańa túri: Bas prokýratýra eskertý jarııalady

<p>ASTANA. KAZINFORM &ndash; QR Bas prokýratýrasy elimizde ınternet-alaıaqtyqtyń jańa túri paıda bolǵanyn, ýaqyt ótken saıyn aldanyp qalǵan adamdardyń sany artyp kele jatqanyn málimdedi.</p>

«Alaıaqtar jábirlenýshilerge quqyq qorǵaý organdarynyń qyzmetkeri retinde beıne-qońyraý arqyly habarlasyp, belgisiz tulǵalar jábirlenýshiniń atynan nesıe alýǵa árekettenip jatqany týraly jalǵan aqparat beredi. Osy „nesıeni“ joıý úshin dereý jańa nesıe alýǵa bank bólimshesine barýdy usynady. Bankten alǵan nesıe aqshasyn jańa „qaýipsiz“ shotqa aýdarýdy ótinedi. Bul — alaıaqtardyń shoty», — deıdi Bas prokýratýra taratqan resmı habarlamada.

Bas prokýratýra quqyq qorǵaý organdary qyzmetkerleri vıdeo-qońyraýmen eshqashan habarlaspaıtynyn, mundaı formatta jumys istemeıtinin eskertedi. Bóten adamǵa, tipti quqyq qorǵaý organdarynyń qyzmetkerlerine de bank málimetterin bermeý kerek ekenin, kúmándi jaǵdaılar týyndaǵanda 115 nómirine qońyraý shalý keregin eskertedi.