Internet alaıaqtardyń ortasha jasy qansha

ASTANA. QazAqparat – Internet alaıaqtardyń aldaýyna túsip qalmaýdyń amaly qandaı? Alaıaqtardyń ortasha jasy qansha? Bul suraqtarǵa Astana qalasy Polıtsııa departamenti krımınaldyq polıtsııa basqarmasy basshysynyń orynbasary Qaırat Mádıev jaýap berdi, dep habarlaıdy QazAqparat tilshisi.

«Internet alaıaqtardyń jasy ártúrli. Olar zamanaýı aqparattyq tehnologııany tereń meńgerip, bank operatsııalary týraly jetik biledi. Eń bastysy adamdarmen psıhologııalyq turǵydan jaqsy jumys jasaıdy. ıAǵnı alaıaqtardyń adamdarmen áńgimelesý men tildesýde óz tásilderi bar. Odan qaldy jeńil tabysqa keńelesiń dep ýáde etýi múmkin. Jas mólsherine kelsek, ortasha eseppen 17 men 45 jas aralyǵy», - dedi Qaırat Mádıev atalǵan vedomstvoda ótken baspasóz máslıhatynda.

Onyń málimetinshe, alaıaqtar aldymen adamnyń senimine kiredi. Sodan soń oıyn júzege asyra bastaıdy.

Sondaı-aq polıtsııa ókili ınternet-alaıaqtyqtan saq bolý maqsatynda jeke málimetterdi bógde adamdarǵa bermeý kerektigin eskertti. Bul ásirese bank shottaryna qatysty.

«Internet-alaıaqtyq áreketi boıynsha shaǵym túsken boıda bizdiń mamandar jumysqa kirisedi. Sol sııaqty áleýmettik jelilerde monıtorıng júrgizemiz», - deıdi ol.

Buǵan deıin habarlaǵanymyzdaı Astanada ınternet-alaıaqtyqtan kelgen jalpy shyǵyn kólemi 1 mlrd 657 mln teńgeni quraıdy.

Sońǵy 5 jyl ishinde elorda aýmaǵynda ınternet-alaıaqtyqqa qatysty 9944 is tirkelgen.