«Inter» klýby Italııanyń sýperkýbogin utyp aldy
Saýd Arabııa astanasy Er-Rııad qalasyndaǵy «Kıng Fahd» stadıonynda ótken matchta «Inter» taǵy bir mılandyq klýb «Mılanmen» sýperkýbokti sarapqa saldy.
Birinshi taımda 10-mınýtta Nıkolo Barellonyń pasynan keıin ıtalııalyq jartylaı qorǵaýshy Federıko Dımarko «Interdi» alǵa shyǵardy. 21-mınýtta qorǵaýshy Alessandro Bastonıdiń pasyn bosnııalyq shabýylshy Edın Djeko múltiksiz paıdalandy.
Ekinshi kezeńde «Mılan» dopqa kóbirek ıelik etkenimen, odan eshteńe shyǵara almady. Esesine 77-mınýtta Mılan Shkrınıardyń pasynan keıin argentınalyq shabýylshy Laýtaro Martınes esepti 3:0-ge jetkizdi.
Osylaısha, «Inter» ekinshi jyl qatarynan sýperkýbokti jeńip aldy. Barlyǵy jetinshi ret sýperkýbokke qol jetkizgen «Inter» bul kórsetkish jóninen «Mılandy» qýyp jetti.
Eske sala keteıik, budan buryn bıznesmenniń Messı men Ronaldýdyń qatysýymen ótetin matchqa 2,5 mln eýroǵa bılet satyp alǵanyn jazǵan edik.
Sondaı-aq qazaqstandyq oıynshy «Aqjaıyqtan» «Qyzyljarǵa» aýysty.
Foto: Mattia Pistoia/Getty Images