Instagram jelisinde zańsyz lotereıa uıymdastyrǵan pavlodarlyq bloger jazalandy

<p>ASTANA. KAZINFORM &ndash; Keıingi ýaqytta áleýmettik jelilerde zańsyz lotereıalyq utys oıyndaryn uıymdastyrý jaǵdaılary jıilep ketti. QR Týrızm jáne sport mınıstrligine aldanǵan azamattardan túsetin shaǵymdar kóbeıip otyr.&nbsp;</p>

Vedomstvonyń málimetinshe, sala qyzmetkerleri quqyq qorǵaý organdarymen birlesip turaqty negizde ınternet keńistigine monıtorıng júrgizip keledi. 

«Nátıjesinde óziniń Instagram paraqshasynda zańsyz lotereıa uıymdastyrǵan pavlodarlyq blogerge qatysty ákimshilik buzýshylyqtar týraly hattama jasaldy. Sonymen qatar mınıstrlik ákimshilik quqyq buzýshylyq týraly sotqa taǵy 5 hattama joldady. Budan bólek 35-ten astam jaǵdaı boıynsha hattamalar daıyndalyp jatyr», — delingen habarlamada. 

Qazaqstan Respýblıkasynyń «Lotereıalar jáne lotereıa qyzmeti týraly» Zańyna sáıkes lotereıa operatory nemese onyń agenti emes adamnyń lotereıa ótkizýine tyıym salynady.

«Osyǵan baılanysty azamattarǵa zańsyz lotereıany, onyń ishinde áleýmettik jelilerde uıymdastyrǵany úshin ákimshilik jaýapkershilik qarastyrylǵanyn eskertemiz. Esterińizge sala keteıik, jyl basynda Jetisý oblysynyń eki turǵyny áleýmettik jelilerde zańsyz lotereıa qyzmetin uıymdastyrǵany úshin jazalanǵan edi», —dep habaralady vedomstvodan.