Qyzylordanyń «S» esimdi 31 jastaǵy turǵyny ınternet jelisin paıdalaný arqyly jasalǵan alaıaqtyǵy úshin 2025 jyly 19 qarashadaǵy sot úkimimen 3 jylǵa bas bostandyǵyn shekteý jazasyna sottaldy.
«S» esimdi azamat 2024 jyly aldyn ala sóz baılasqan adamdar toby arqyly «Instagram» áleýmettik jelisinde «Dake_87057380827» dep atalatyn jalǵan paraqsha ashqan. Ol bóten adamdardyń jeke derekterin paıdalanyp, azamattardy «Salǵan aqshalaryn eselep qaıtaramyn» dep aldap, «1XBETKZ» býkmekerlik keńsesi men «Wooppay Wallet» tólem júıesi arqyly jábirlenýshilerdiń qarajatyn ıemdengen.
— Saldarynan respýblıka boıynsha 121 adam aldanyp, jalpy keltirilgen múliktik zalal 9 mln jýyq teńgeni quraǵan. Basty sot talqylaýynda sottalǵan kinásin tolyq moıyndap, jábirlenýshilerge keltirilgen múliktik zalaldy tolyǵymen óteýine baılanysty oǵan bas bostandyǵynan aıyrýmen baılanysty emes jaza taǵaıyndalǵan, — delingen habarlamada.
Búgingi kúni sottalǵan «S» turǵylyqty jeri boıynsha probatsııalyq baqylaýda jazasyn ótep jatyr. Úkim zańdy kúshine endi.
Osyǵan deın Qyzylordada dinı aǵymdy ustanýshy áıeline psıhıkalyq qysym kórsetkenin jazǵanbyz.