Inspektorlardan qashqan brakonerler bekire salynǵan qaptardy Jaıyqqa laqtyryp ketken

ATYRAÝ. QazAqparat – Atyraýda ınspektorlardan qashqan brakonerler bekire tuqymdas balyq salynǵan qaptardy Jaıyq ózenine laqtyryp ketken, dep habarlaıdy QazAqparat tilshisi.

Jaıyq-Kaspıı oblysaralyq basseındik balyq sharýashylyǵy ınspektsııasy baspasóz qyzmetiniń málimetinshe, oqıǵa 14 tamyzda bolǵan.

«Basqarma basshysynyń orynbasary A.Qabdýǵalıevtyń jeteshiligimen zańsyz balyq aýlaýǵa jol bermeý, aldyn alý maqsatynda Damba balyq ınspektsııasy beketinde reıdttik is-shara júrgizildi. Reıdke Teńiz, Damby jáne Mahambet balyq ıspektsııasy bólimderiniń mamandary qatysty. Inspektorlar jergilikti ýaqytpen túngi saǵat 02:18 shamasynda Kaspıı teńizi baǵytynan kele jatqan qaıyqty toqtatpaq boldy. Alaıda, qaıyqtaǵylar ınspektorlar talabyna baǵynǵan joq. Mamandar qyzmettik júzý quraldarymen qaıyqtyń artynan ilesti. Qaıyqtaǵy adamdar Qurmanǵazy aýylynyń tusynda Jaıyq ózenine aq tústi qaptardy laqtyryp ketti», -dep habarlady ınspektsııanyń baspasóz qyzmeti.

Ispektorlar Jaıyq ózenine bir qapty taýyp alǵan. Qapta bekire tuqymdas balyqtardyń 4 danasy salynǵany anyqtalǵan.

Ekinshi qap tabylǵan joq. Oǵan qansha balyq salynǵany belgisiz.

Sondaı-aq, Jaıyq ózeninen ıesi joq qaıyq tabyldy. Júzý quraly Damby balyq ınpektsııasy bólimine jetkizilip, aıyp turaǵyna qoıyldy.

Al, bekire tuqymdas balyqtardy zańsyz aýlaý deregimen qylmystyq is tirkeldi.

Eske sala ketelik, budan buryn brakonerlerden 1 tonna bekire tárkilenip, 15 mln teńge aıyppul salynǵanyn habarlaǵan bolatynbyz.

Balyq sharýashylyǵy komıteti balyq resýrstaryn qorǵaý jáne balyq aýlaýdy retteý basqarmasynyń basshysy Erasyl Sýyqbaevtyń málimetinshe, quqyq buzýshylarǵa 15,5 mln teńgeden astam aıyppul salyndy.

Zańsyz aınalymnan 68 tonna 300 keli balyq, onyń ishinde 1001 keli bekire tuqymdas baǵaly balyq túrleri alyndy. Bekireniń 29 keli qara ýyldyryǵy tárkilendi.