Inspektorlar kıikterge qaskóılik jasaýdyń 85 faktisin tirkedi - Erlan Nysanbaev

NUR-SULTAN. QazAqparat – Kıikter men basqa da jabaıy janýarlardy oljalaýǵa kánikken birqatar qylmystyq top áshkere boldy. Bul týraly Ekologııa, geologııa jáne tabıǵı resýrstar mınıstrliginiń alqa májilisinde osy vedomstvonyń vıtse-mınıstri Erlan Nysanbaev málim etti, dep habarlaıdy QazAqparat tilshisi.

«Ótken jyly janýarlar dúnıesi nysandaryn saqtaý boıynsha tıisti sharalar qabyldandy. Inspektorlar kıikterge qaskóılik jasaýdyń 85 faktisin tirkedi. Kıikterdiń 727 ushasy men 9 743 múıizi tárkilendi. 71 adam qylmystyq jaýapkershilikke tartyldy, keltirilgen zalal 2,4 mlrd teńgeni qurady», - vıtse-mınıstr.

Onyń aıtýynsha, Іshki ister mınıstrligimen jáne Ulttyq qaýipsizdik komıtetimen birlesip, «Kıik» tabıǵatty qorǵaý aktsııasy júzege asyryldy. Onyń aıasynda aldyn alý is-sharalary jandandyrylyp, kıikter men basqa da jabaıy janýarlardy oljalaýǵa kánikken birqatar qylmystyq top áshkere boldy.

Erlan Nysanbaev 2021 jylǵa arnalǵan basym mindetterdiń qatarynda Qazaqstan Respýblıkasynyń «Janýarlarǵa jaýapkershilikpen qaraý týraly» zań jobasynyń qabyldanýyn, sondaı-aq janýarlar dúnıesin saqtaý jáne ańshylyq sharýashylyqtaryn damytý jónindegi 2030 jylǵa deıingi master-jospardyń bekitilýin atady.